President Of The US Barack H.Obama (In Myanmar)

မြန်မာနိုင်ငံ မင်္ဂလာပါ။ (ရယ်မောသံများနှင့် သြဘာသံများ)။ ကျွန်တော်က ဒီတက္ကသိုလ်မှာ ရောက်နေတာရယ်၊ ခင်ဗျားတို့ နိုင်ငံကို လာရောက်တဲ့ ပထမဆုံး အမေရိကန်သမ္မတ ဖြစ်ရတာရယ်ကို သိပ်ကို ဂုဏ်ယူမိပါတယ်။
ကျွန်တော် ဒီကိုလာတာက ခင်ဗျားတို့ နိုင်ငံရဲ့ အရေးကြီးမှု အတွက်ကြောင့်ပါပဲ။ ခင်ဗျားတို့ဟာ အရှေ့နဲ့ တောင်အာရှရဲ့ လမ်းဆုံလမ်းခွမှာ နေထိုင်ကြတယ်။ ခင်ဗျားတို့ဟာ ဂြိုဟ်ကမ္ဘာပေါ်မှာ လူဦးရေ အများဆုံးနိုင်ငံတွေနဲ့ နယ်မြေချင်း နီးစပ်နေထိုင်ကြတယ်။ ခင်ဗျားတို့ရဲ့ သမိုင်းက လွန်ခဲ့သော နှစ်ထောင်ပေါင်းများစွာထိ ရှည်ရှည်လျားလျား ရှိခဲ့တယ်။ နောက်ပြီး ကမ္ဘာရဲ့အလျင်မြန်ဆုံး တိုးတက် ကြီးပွားမယ့် ဒေသရဲ့ကံကြမ္မာကို ပြဋ္ဌာန်းနိုင်ဖို့ ကူညီနိုင်တဲ့ အရည်အသွေးတွေလည်း ရှိနေတယ်။
ကျွန်တော် ဒီကို ရောက်လာ တာက ခင်ဗျားတို့နိုင်ငံရဲ့ အလှအပ နဲ့ မတူကွဲပြား ခြားနားမှုတွေကြောင့်ပဲ။ ဒီနေ့ စောစောပိုင်းကပဲ ကျွန်တော်က ရွှေတိဂုံဆိုတဲ့ ရွှေစေတီ ကြီးကို ဖူးခဲ့ပြီးပြီ။ အချိန်အကန့် အသတ်မဲ့တဲ့ မေတ္တာဆိုတဲ့ စိတ်ကူး ဓာတ်ကြီးကြောင့်လည်း စိတ်လှုပ် ရှားခဲ့ရတယ်။ ဒီမြို့ဟောင်းကြီးရဲ့ လူနေထူထပ်လှတဲ့ ပတ်ဝန်းကျင်ကနေ ရွာပေါင်း ၆ဝ,ဝဝဝ ကျော်ရှိတဲ့ ဌာနေတွေအထိ ဟိမဝန္တာရဲ့ တောင်ထိပ်တွေကနေ ကရင်ပြည် နယ်ရဲ့ သစ်တောတွေ၊ ဧရာဝတီ မြစ်ကမ်းတွေအထိ ဒီနယ်မြေဟာ ကျယ်ပြန့်တာကို ကျွန်တော်သိ တယ်။
ကျွန်တော် ဒီကိုလာတာက ဒီတက္ကသိုလ်ကြီးကို ကျွန်တော့်ရဲ့ လေးစားမှုကြောင့်ပဲ။ ဒီကျောင်း တော်ကြီးရဲ့ ဒီနေရာက ကိုလိုနီ အုပ်ချုပ်ရေးကို ဆန့်ကျင်ခဲ့တယ်။ အောင်ဆန်းက လွတ်လပ်ရေးလှုပ် ရှားမှုကို ဦးမဆောင်ခင် ဒီနေရာမှာ မဂ္ဂဇင်းကို တည်းဖြတ်ခဲ့တယ်။ ဒီ နေရာမှာပဲ ဦးသန့်က ကုလသမဂ္ဂမှာ ဦးမဆောင်မီ လောကရဲ့နည်းလမ်းတွေကို သင်ယူခဲ့တယ်။ ဒီနေရာမှာပဲ လွန်ခဲ့တဲ့ ရာစုနှစ် အတွင်း ပညာတွေ ပြည့်ဝခဲ့ကြတယ်။ ကျောင်းသားတွေက အခြေခံ လူ့အခွင့်အရေးကို တောင်းဆိုခဲ့ကြတယ်။ အခုတော့ ခင်ဗျားတို့ရဲ့ လွှတ်တော်က နောက်ဆုံးမှာ ဒီ တက္ကသိုလ်ကြီးကို အားသစ်ပြန်လောင်းဖို့ သဘောတူကြပြီးပြီ။ ဒါက သိပ်ကို ကြီးကျယ်တဲ့ကိစ္စပဲ။ ဘာဖြစ်လို့လဲဆိုတော့ ဒီနိုင်ငံရဲ့ အနာဂတ်ဟာ လူငယ်တွေရဲ့ပညာရေးကနေ ပြဋ္ဌာန်းမှာဖြစ်တဲ့ အားလျော်စွာ ဒီကျောင်းတော်ကြီးဟာ တစ်ချိန်က သူ့ရဲ့ကြီးကျယ်ခမ်းနားမှုကို ပြန်လည်ရရှိ စောင့်ထိန်းရမှာလည်း မလွဲပါဘူး။ နောက် ဒီကို ကျွန်တော် ရောက်လာရခြင်းဟာ လည်းကျွန်တော်တို့ နှစ်နိုင်ငံကြားက သမိုင်းကြောင်း ဆက်စပ်မှုကြောင့်လည်း ဖြစ်ပါတယ်။ လွန်ခဲ့တဲ့ရာစု နှစ်တွေတုန်းက အမေရိကန် ကုန် သည်တွေ၊ သာသနာပြုသူတွေဟာ ယုံကြည်မှု ကုန်သွယ်ရေးတွေနဲ့ ရင်းနှီးချစ်ကြည်ကြဖို့ ရောက်ရှိခဲ့ကြ ပါတယ်။ ဒီနယ်နိမိတ် အတွင်းမှာပဲ ဒုတိယကမ္ဘာစစ်တုန်းက ကျွန်တော်တို့ရဲ့ လေသူရဲတွေဟာ တရုတ်ပြည်ကို ပျံသန်းခဲ့ကြသလို ကျွန်တော်တို့ရဲ့ တပ်ဖွဲ့အများအပြားဟာ လည်း ဒီမြေပေါ်မှာပဲ အသက်ပေးခဲ့ကြပါတယ်။ ကျွန်တော်တို့နိုင်ငံ တစ်ခုလုံးဟာ ဗြိတိသျှအင်ပါယာကြီးကနေ ပေါ်ထွန်းလာတဲ့ နိုင်ငံတွေဖြစ်ပြီး ပြည်ထောင်စုမြန်မာ နိုင်ငံရဲ့ လွတ်လပ်ရေးကို အသိအ မှတ်ပြုခဲ့တဲ့ ပထမဆုံးနိုင်ငံတွေထဲမှာ အမေရိကန်ပြည်ထောင်စု ပါဝင်ခဲ့ပါတယ်။ အမေရိကန် ပြည်ထောင်စု ယဉ်ကျေးမှုဗဟိုဌာန ရန်ကုန်မှာ ပထမဆုံးတည်ထောင် နိုင်ခဲ့ပြီး ဒီကျောင်းတော်ကြီးမှာ ပညာအပြန်အလှန် ဖလှယ်မှုတွေ တည်ဆောက်နိုင်ခဲ့တဲ့ အတွက်လည်း ဂုဏ်ယူဝမ်းသာမိပါတယ်။ မတူကွဲပြားမှုတွေ ရှိခဲ့ကြတဲ့ ဆယ်စုနှစ်ပေါင်းများစွာထဲမှာ အမေရိကန်လူမျိုးတွေဟာ ဒီနိုင်ငံနဲ့ နိုင်ငံသားတွေအပေါ် တညီတညွတ်တည်း သံယောဇဉ်ရှိခဲ့ကြပါတယ်။ နောက်တစ်ခုက အားလုံးထဲမှာ အရေးကြီးဆုံးအချက်၊ ကျွန်တော် ဒီကို ရောက်လာရခြင်းက လူ့ဂုဏ်သိက္ခာပေါ်မှာ အမေရိကန်ရဲ့ ယုံကြည်မှုကြောင့် ဖြစ်ပါတယ်။ လွန်ခဲ့တဲ့ ဆယ်စုနှစ်မှာ ကျွန်တော်တို့ နှစ်နိုင်ငံဟာ သူစိမ်းတွေအဖြစ်နဲ့ ရှိခဲ့ကြပါတယ်။ ဒါပေမဲ့ ကျွန်တော်တို့ဟာ လူကြီးမင်းတို့အတွက်၊ ဒီနိုင်ငံ အတွက် အမြဲတမ်း မျှော်လင့် ချက်ထားခဲ့ကြတယ်ဆိုတာ ဒီနေရာကနေ ကျွန်တော် ပြောနိုင်ပါတယ်။ လူကြီးမင်းတို့ဟာ ကျွန်တော်တို့ တွေကို မျှော်လင့်ချက်တွေ ပေးခဲ့ ပါတယ်။ ပြီးတော့ လူကြီးမင်းတို့ရဲ့ သတ္တိ ဗျတ္တိတွေကိုလည်း ကျွန်တော်တို့ မျက်မြင်တွေ့ခဲ့ရပါတယ်။ အဖြူရောင်ဝတ်ထားတဲ့ လှုပ်ရှား တက်ကြွသူတွေဟာ တနင်္ဂနွေနေ့ မှာ နိုင်ငံရေးအကျဉ်းသားတွေရဲ့ မိသားစုတွေ ဆီ သွားတွေ့ခဲ့ကြတာတွေ၊ ရွှေဝါရောင်ဝတ်ထားတဲ့ ရဟန်းတွေက လမ်းတွေပေါ်မှာ ငြိမ်းချမ်းစွာ ဆန္ဒပြခဲ့ကြတာတွေကို ကျွန်တော်တို့ မြင်ခဲ့ရပါတယ်။ နာဂစ်မုန်တိုင်းကို တုံ့ပြန်ဖို့ ကယ်ဆယ်ရေး အဖွဲ့တွေ ဖွဲ့ခဲ့ကြတဲ့ သာ မန်ပြည်သူတွေအကြောင်းလည်း သိခဲ့ရပါတယ်။ လွတ်လပ်မှုကို ဖော်ကျူးခဲ့ကြတဲ့ ဟစ်ဟော့အဆိုတော်တွေရဲ့တေးသံကိုလည်း ကြားရပါတယ်။ မိမိတို့မိသားစုနဲ့ မတွေ့ ရဘဲ အဆက်အသွယ်မရှိ ဘိုးဘွား အဆက်ဆက် ပြည်ပရောက် ဒုက္ခသည်တွေကိုလည်း သိခဲ့ရပါတယ်။

ဒါ့အပြင် ဒေါ်အောင်ဆန်းစုကြည်ရဲ့ အံ့မခန်း ဂုဏ်သိက္ခာကြီးမှုကိုလည်း ကျွန်တော်တို့ လေးစားအားကျခဲ့ရတယ်။ ဒေါ်အောင်ဆန်းစုကြည်ဟာ ယုံကြည်ချက် ခိုင်မြဲသူတွေကို အကျင်းချထားလို့ ဘယ်လိုမှ မရနိုင်ဘူးဆိုတာ သက်သေပြခဲ့တာပါ။ အမေရိကန် ပြည်ထောင်စုမှာဆိုရင် ဒီမိုကရေစီ စကားကို နိုင်ငံသားများအားလုံး အတွက် နှစ်ပေါင်းများစွာ ကျော် ကြိုးပမ်းဆောင်ရွက်ခဲ့ရပါ တယ်။ ကျွန်ပြုခံရသူတွေ လွတ်မြောက်ခွင့် ရရှိလာအောင် အမျိုးသမီးတွေ အာဖရိကတိုက်သားတွေ မဲပေးခွင့်ရ အောင် အလုပ်သမားများရဲ့ အခွင့်အရေးတွေနဲ့ကာကွယ်ပေးပြီး သူတို့ အစည်းအရုံး စုစည်းခွင့်ရအောင် ကျွန်တော်တို့ဆောင်ရွက်ပေးခဲ့ရပါ တယ်။ ဒီအခွင့်အရေးတွေကို ဖော်ဆောင်ရာမှာ တစ်နိုင်ငံနဲ့ တစ်နိုင်ငံ ဘယ်လိုမှ နည်းလမ်းချင်း မတူပါဘူး။ ဒါပေမဲ့ ဒီနိုင်ငံရဲ့ လူအားလုံးရဲ့ အင်အားကို စုစည်းခွင့်ရမယ်ဆိုရင် လူကြီးမင်းတို့ နိုင်ငံဟာလည်း ပိုလို့ခိုင်မာတောင့်တင်း လာမယ်ဆို တာ အငြင်းပွားဖွယ် မရှိပါဘူး။ ဖိနှိပ်ချုပ်ချယ်ထားမယ့်အစား လူထုရဲ့စုဝေးခွင့်ကို အခုအခါမှာ အပြည့် အဝလေးစားရပါတော့မယ်။သတင်း ဆင်ဆာဖြတ်တောက်မှုနဲ့ အသံ တွေကို ပိတ်ဆို့ထားမယ့်အစား ချုံလွှာကို ဆက်လက်ရုတ်သိမ်းပယ် တင်ထားရပါလိမ့်မယ်။ ဒီခြေလှမ်း တွေကို လှမ်းသွားရင် လူကြီးမင်းတို့ ရဲ့ အောင်မြင်မှုကို ရောက်ရှိဖော် ဆောင်သွားနိုင်မှာပါ။ မြစ်ဆုံဆည် တည်ဆောက်ရေးကို ဆန့်ကျင်ခဲ့ကြ ရာမှာလည်း နိုင်ငံသားများရဲ့အသံကို လျစ်လျူရှုထားမယ့်အစား ကြားနာ ပေးခဲ့ကြပါတယ်။ နိုင်ငံရေးပါတီများကိုလည်း ဥပဒေ ပြင်ပကနေ ထားမယ့်အစား ပါဝင်ဆောင်ရွက် ခွင့်ပြုခဲ့ကြပါတယ်။ လွှတ်တော်ကို ရွေးကောက်ပွဲမှာ မဲဆန္ဒရှင်တစ်ဦးက ပြောခဲ့ဖူးပါတယ်။ ကျွန်တော်တို့ရဲ့ မိဘတွေ ဘိုးဘွားတွေ အခုလို မဲ ပေးခွင့်ရအောင်အစောင့်ကြီး စောင့် ခဲ့ကြပေမယ့် မြင်သွားခွင့် မရကြပါ ဘူးတဲ့။ မဲဆန္ဒရှင်တို့ရဲ့ လွတ်လပ် ခွင့်ကို ပါဝင်ဆောင်ရွက်ပေးဖို့ အာဏာ ရှိသူများက မတားဆီးဘဲ လက်ခံကြရပါလိမ့်မယ်။ ဒီလိုဆောင် ရွက်နိုင်ဖို့ အမေရိကန်စနစ်ကို ရေးဆွဲထားတာပါ။ အမေရိကန် နိုင်ငံဟာ ကမ္ဘာပေါ်မှာ အင်အား အကြီးဆုံး စစ်တပ်ကိုပိုင်ဆိုင်ထား ပေမယ့် အရပ်သားထိန်းချုပ် မှု အောက်မှာ စစ်တပ်ကိုထားရှိပါ တယ်။ သမ္မတတစ်ဦး ကာကွယ် ရေးစစ်ဦးစစီးချုပ်တစ်ဦးအနေနဲ့ ကျွန် တော်ဟာ ကျွန်တော်ဖြစ်ချင်တာ လုပ်ချင်တာကို ဇွတ် အတင်းပြဋ္ဌာန်းလို့ မရပါဘူး။ တစ်ခါတစ်ခါကျရင် အဲလို လုပ်နိုင်ရင်သိပ်ကောင်းမှာ ပဲလို့တွေးရုံသာ တွေးတတ်နိုင်ခဲ့ပါ တယ်။ တရားသူကြီးတချို့ကိုလည်း ကျွန်တော် ခန့်ထားပါတယ်။ ဒါပေမဲ့ ဘယ်လို တရားစီရင်ရမလဲဆိုတာ ကျွန်တော်သူတို့ကို ပြောလို့မရပါ ဘူး။ ဘာကြောင့်လဲဆိုတော့ ဆင်း ရဲတဲ့ကလေးတစ်ဦးကနေ သမ္မတ အထိ အမေရိကန်မှာ လူတိုင်းလူတိုင်းအတွက် သာတူညီမျှ ဥပဒေရှိ လို့ပါ။ ဒါကြောင့်တရား သူကြီးတစ် ဦးက သူ့ဘာသာသူ ကျွန်တော် ဥပဒေလိုက်နာသလား၊ မလိုက်နာဘူးလား ဆိုတာ စစ်ဆေးနိုင်ပါတယ်။ ကျွန်တော် ပြောခဲ့ပါတယ်။ ဒါဟာ လူကြီးမင်းတို့ မလွဲ မသွေ လှမ်းကိုင်ရမယ့် အနာဂတ် ပါပဲ။ ယုံကြည်ချက်ကြောင့် အကျဉ်း ကျသူတစ်ဦးတည်းရှိနေရင်တောင် မှများလှပါပြီဆိုတဲ့အနာဂတ်၊ ဘယ် ခေါင်းဆောင်ထက်မဆို ဥပဒေက ပိုလို့ ခိုင်မာအား ရှိတဲ့ အနာဂတ်၊ တာဝန်ခံတဲ့အစိုးရတွေဘယ်ကလေး မှစစ်ထဲ အဓမ္မသွင်းခြင်း မလုပ်ရ၊ ဘယ်အမျိုးသမီးမှခေါင်းပုံဖြတ် မခံ ရတဲ့ အနာဂတ်၊ ဒီတော့သူတို့ကို ကာကွယ်စောင့်ရှောက်ပေးတဲ့ ဥပဒေ ရှိ တဲ့ အနာဂတ်၊ အရပ်သားများရဲ့ လက်အောက်မှာ အလုပ်အကျွေးပြုနေတဲ့ တပ်မတော်ကသာ နိုင်ငံတော်လုံခြုံရေးကို ခိုင်မာတောင့်တင်းစေတဲ့ အနာဂတ်၊ လူထုကရွေးကောက် တင်မြှောက်လိုက် သူများသာ အုပ်ချုပ်ရမယ်လို့ ဖွဲ့စည်းပုံ အခြေခံဥပဒေက အာမခံချက်ပေးတဲ့ အနာဂတ်ကို ဆိုလိုပါတယ်။
အရပ်သားလူ့ဘောင် အားဖြည့်လာအောင် ကျွန်တော်တို့ရဲ့ ကူညီထောက်ပံ့မှုကို အသုံးပြုခြင်းအားဖြင့် လည်းကောင်း၊ လူကြီးမင်း တို့ရဲ့တပ်မတော်ကိုလည်း လူ့အခွင့် အရေးလေးစားတဲ့ တပ်မတော် ဖြစ်လာဖို့ လူ့အခွင့်အရေးများကို ဖော်ဆောင်ရေးအတွက် ပူးပေါင်း ကူညီပေးခြင်း ဖြင့်လည်းကောင်း၊ လူကြီးမင်းတို့ လျှောက်လှမ်းနေတဲ့ ဒီမိုကရေစီခရီးရောက်ရေးမှာ စီးပွား ရေးဖွံ့ဖြိုးမှုနဲ့ ချိတ်ဆက်တဲ့အခါ လူကြီးမင်းတို့ရဲ့ အကျိုးဆက်အဖြစ် ဆောင်ရွက်ခြင်းဖြင့်လည်းကောင်း၊ အမေရိကန် နိုင်ငံဟာ ဒီလမ်း ကြောင်းတစ်လျှောက် ခြေလှမ်း တိုင်းမှာ ကူညီသွားမှာပါ။ ဒီခရီးကို ရှေ့ဆက်သွားရင်းက နောက်တစ် ဆင့်ကို ရောက်ရှိလာပါလိမ့်မယ်။ ဆာနေတဲ့ ဝမ်းတွေကို ဖြည့်ပေးရုံနဲ့ မလုံလောက်ပါဘူး။ ပြည်သူက တင်မြှောက်တဲ့ အစိုးရဆိုတာ လူထုအတွက် အစိုးရက ကြွယ်ဝမှုပေးမှ ပိုပြီးဆွဲဆောင်နိုင်တယ်ဆိုတာ သမိုင်းက ပြသပြီးပါပြီ။ လူကြီးမင်းတို့ရဲ့ အနာဂတ်အတွက် လူကြီးမင်းတို့က ပြောခွင့်ရှိလာတဲ့အခါ လူကြီးမင်းတို့ရဲ့ မြေကို ယူလို့မရ တော့ပါဘူး။ ဒါကြောင့် ပြုပြင် ပြောင်းလဲရေးများမှာ ကိုယ်နေထိုင်ရာမြေ၊ ကိုယ်အလုပ်လုပ်ရာ မြေပိုင် ဆိုင်ခွင့် အထောက်အထားဆိုတဲ့ ပိုင်ဆိုင်မှုအားလုံးအနက်က အခြေ ခံအကျဆုံးနိုင်ငံသူ နိုင်ငံသားများ အားလုံး မလွဲမသွေ ရရှိနေအောင် ဆောင်ရွက်ပေးဖို့လိုပါတယ်။ လူတွေရဲ့ ဒုက္ခတွေကို ဖော်ထုတ်လိုက်တဲ့အခါ အခွင့်အလမ်းတွေကိုလည်း လူတိုင်းအတွက် ဖန်တီးပေးနိုင်မှာပါ။ ဒီမှာလာပြီး စီးပွားရေးလုပ်ဖို့ တားမြစ်ခဲ့တာကို အမေရိကန်နိုင်ငံက ဖယ်ရှားပေးခဲ့သလို လူကြီးမင်း တို့ အစိုးရကလည်း ရင်းနှီးမြှုပ် နှံမှုအကန့်အသတ်များကို ဖယ်ရှား ကာ လူကြီးမင်းတို့ စီးပွားရေးလမ်း ပွင့်မယ့် လမ်းစကို ရှာဖွေတွေ့ရှိခဲ့ပါပြီ။ အခုအခါမှာဆိုရင် လူကြီးမင်း တို့ရဲ့နယ်စပ်မှာ ပစ္စည်းကြွယ်ဝမှုတွေ အများအပြားရောက် ရှိလာတာနဲ့ အမျှ အဲဒီအခြေအနေက လူတွေရဲ့ ဘဝအခြေ အနေတွေကို ပိုပြီး မြင့်အောင် ဆောင်ရွက်ပေး နိုင်တယ်ဆိုတာကို ကျွန်တော်တို့ မြင်တွေ့ချင် ပါတယ်။

လူတိုင်းလူတိုင်း အခွင့်အလမ်း တဲ့ စီးပွားရေး ဖွံ့ဖြိုးတိုးတက်မှုက ရှိပါတယ်။ အဲဒါမှသာလျှင် တိုင်းပြည်ကို ဆက်ပြီးတော့ ရှေ့တိုး အောင် ဆောင်ရွက်ပေးနိုင်မှာပါ။ အဲဒီလိုအကျင့်ပျက်ခြစားမှုကို တား ခဲ့နိုင်မှသာ စီးပွားရေးဖွံ့ဖြိုးတိုးတက်မှု အသိုက်အဝန်းကို ဖန်တီးပေးနိုင်မှာပါ။ ရင်းနှီးမြှုပ်နှံမှုက အခွင့်အလမ်း မဖြစ်သေးတာမို့ ပြုပြင်ပြောင်းလဲရေးကလည်း ဘတ်ဂျက်ရသုံး စာရင်းတွေ ပွင့်လင်းမြင်သာပြီး စီးပွားရေးလုပ်ငန်းတွေကို ပုဂ္ဂလိက ပိုင်ဆိုင်လာအောင် တိုးမြှင့်ဆောင် ရွက်သွားရပါတော့မယ်။ နမူနာစံပြ အနေနဲ့ ကျွန်တော်တို့ရဲ့ အမေရိကန် ကုမ္ပဏီတွေဟာ ပွင့်လင်းမှုနဲ့ မြင်သာမှုတွေကို အမြင့်ဆုံးလိုက်နာ ကြဖို့ အမေရိကန်နိုင်ငံက တိုက်တွန်းနေပါတယ်။ ကျွန်တော်တို့ဟာ အသေးစား စီးပွားရေးလုပ်ငန်း တွေကိုပံ့ပိုးဖို့စီးပွားရေး စွန့်ဦးသမားတွေကို အားထုတ်ကြိုးပမ်းနိုင်ဖို့နှင့် လုပ်သားတွေအတွက် သူတို့လုပ် ကိုင်ရရှိထားတာကို ခံစားထိန်းသိမ်း နိုင်ရေးကို ဖြစ်ပေါ်စေမယ့်အခြေအ နေတွေကိုကျွန်တော်တို့ ဖန်တီးပေး နေပါတယ်။
နိုင်ငံသား များဟာ တာဝန်ခံမှုကို မျှော်လင့်ထားနိုင်တဲ့ ပွင့်လင်းတဲ့ အစိုးရ၊ အစိုးရက လူကြီးမင်းတို့ရဲ့အသံများကို ကြားနိုင်မယ်ဆိုရင် လူကြီးမင်း တို့ရဲ့အခြေခံလိုအပ်ချက်တွေပြည့်ဝ လာဖို့အလားအလာဟာ များစွာ ပိုမိုလာပါတယ်။ ဒါကြောင့် တဖြည်း ဖြည်း ပြောင်းလဲရာမှာ ဆာလောင် နေသူတွေ၊ဖျားနာနေသူတွေ၊ လျှပ်စစ်ဓာတ်အားမရှိ၊ ရေမရှိဘဲ နေ့စဉ် နေနေရတဲ့ ဘဝများဆီအထိ ရောက်ရှိဖို့ လိုအပ်ပါတယ်။ ဒီနေရာ မှာ အမေရိကန်ပြည်ထောင်စုက လည်း လူကြီးမင်းတို့နဲ့ ဝိုင်းဝန်း ဆောင်ရွက်ရာမှာ သူ့တာဝန်သူ ယူ သွားမှာပါ။ ပြုပြင်ပြောင်းလဲရေး လမ်းကြောင်းပေါ် ချီတက်နေတဲ့ လူကြီးမင်းတို့လမ်းကြောင်းမှာ တစ်ချိန်က အာရှတိုက်ရဲ့ စပါးကျီ ဖြစ်ခဲ့တဲ့ ဒီနိုင်ငံဟာ သူ့လူထုကို ဝဝလင်လင် ကျွေးမွေးနိုင်၊ ဒီမို ကရေစီကျတဲ့ နည်းလမ်းနဲ့ သွားနိုင် အောင် အမေရိကန်ပြည်ထောင်စုက ကူညီပေးသွားမှာပါ။ ဒီနိုင်ငံဟာ သဘာဝသယံဇာတများကြောင့်လည်း ထင်ရှားလှသလို အဲဒီ သယံဇာတများကို မတရားအမြတ် ထုတ်ခံရမယ့် အရေးကလည်း ကာကွယ်စောင့်ရှောက် ပေးရပါမယ်။ ကမ္ဘာ့စီးပွားရေးတစ်ရပ်မှာ နိုင်ငံတစ်နိုင်ငံရဲ့ အကြီးမားဆုံး အရင်းအမြစ်ဟာ အဲဒီနိုင်ငံရဲ့လူထုသာ ဖြစ်ပါတယ်။ လူကြီးမင်းတို့ထံမှာ ရင်းနှီးမြှုပ်နှံခြင်းအားဖြင့် ဒီနိုင်ငံဟာများစွာ ပိုမိုကြွယ်ဝစေမယ့် တံခါးကို ဖွင့်လှစ်နိုင်ပါမယ်။ နိုင်ငံတစ်နိုင်ငံရဲ့ ဖွံ့ဖြိုးနိုင်မယ့် အလားအလာဟာ အဲဒီနိုင်ငံရဲ့လူငယ်များကို အင်အား ဖြည့်ပေးနိုင်မှု အပေါ်မှာ မူတည်နေပါတယ်။ အိမ်နီးချင်းနိုင်ငံများနဲ့ ကျွန်တော်တို့ဆောင်ရွက်နေတဲ့ အတိုင်း အဲဒီအခွင့်အလမ်းကို တိုးအောင် ကျွန်တော်တို့ရဲ့ကျောင်းသားများ အပြန်အလှန်ဖလှယ်မှုများကို နက်ရှိုင်းလာအောင် လူကြီးမင်း တို့နဲ့အတူ ဆောင်ရွက်သွားဖို့ ကျွန် တော် မျှော်လင့်ပါတယ်။ ဒီအမှန် တရားကနေ လူကြီးမင်းတို့ဆီက ကျွန်တော် ပြန်သင်ချင်ပါသေး တယ်။ ဒီအမှန်တရားကနေ ကနေ့ ကျွန်တော် ဆွေးနွေးနေတဲ့ တတိယ လွတ်လပ်မှုကို ရောက်ရှိလာပါ တယ်။ မိမိစိတ်ရှိသူကို ကိုးကွယ်နိုင် တဲ့ လွတ်လပ်ခွင့်ရယ်၊ အခြေခံ လူ့ဂုဏ်သိက္ခာကို ရရှိပါမယ်။ ဒီ နိုင်ငံမှာ မတူကွဲပြားမှု အမျိုးမျိုးနဲ့ ဖွဲ့စည်းထားပါတယ်။ ကျွန်တော် တို့ တိုင်းပြည်လိုပါပဲ။ လူတိုင်းလူ တိုင်းဟာ မတူညီကြပါဘူး။ ဘာသာတစ်ခုတည်းကို ကိုးကွယ် နေကြတာမဟုတ်ပါဘူး။ လူကြီးမင်း တို့ရဲ့ မြို့ကြီး၊ မြို့ငယ်များမှာ ဘုရားတွေ၊ ကျောင်းတွေ၊ ဗလီ တွေ၊ ခရစ်ယာန်ဘုရားကျောင်းတွေ ဟာ ဘေးချင်းယှဉ်ပြီး ရှိနေပါတယ်။ တိုင်းရင်းသားလူမျိုးစုပေါင်း ၁ဝဝ ကျော်ကလည်း လူကြီးမင်းတို့ရဲ့ ချစ်ကြည်မှုမှာ တစ်ခန်းတစ်ကဏ္ဍ က ပါဝင်ခဲ့ပါတယ်။ ဒါတွေကလည်း မရေမတွက်နိုင်တဲ့ အသက်ပေါင်း များစွာ ပေးဆပ်ခဲ့ရ၊ မိသားစုတွေနဲ့ ရပ်ရွာအသိုက်အဝန်းတွေ ဖရိုဖရဲ ဖြစ်စေခဲ့ရ၊ ဖွံ့ဖြိုးတိုးတက်မှုကို နှောင့်နှေးစေခဲ့တဲ့ ကမ္ဘာပေါ်မှာ ကာလအရှည်ကြာဆုံး လက်နက် ကိုင် လှုပ်ရှားမှုများကို မြင်တွေ့နေ ခဲ့ရပါတယ်။ အမျိုးသားပြန်လည် သင့်မြတ်မှု မရရှိဘဲ ဒီပြုပြင်ပြောင်း လဲမှုက အောင်မြင်မှာမဟုတ်ပါ ဘူး။

အခုအခါမှာတော့ အပစ် အခတ် ရပ်စဲရေးကို ရေရှည်ရှိနေတဲ့ ကချင်ပြည်နယ်အပါအဝင် အပစ် အခတ် ဆက်ရှိနေတဲ့ နေရာတွေ မှာ ငြိမ်းချမ်းမှုကို ဖော်ဆောင်နိုင် တဲ့ ထူးခြားတဲ့ အခွင့်အလမ်းတစ် ရပ်ကို ရရှိလို့နေပါပြီ။ ဒီအားထုတ် မှုဟာ လိုအပ်နေသူတွေအတွက် လူသားချင်း စာနာထောက်ထားမှု ရရှိနိုင်ဖို့၊ ရွှေ့ပြောင်းခံရသူတွေ ကိုယ့်အိမ်ကို ပြန်နေနိုင်ဖို့ အပါ အဝင် ပိုမိုတရားမျှတပြီး ပိုမိုတည် တံ့တဲ့ ငြိမ်းချမ်းရေးဖော်ဆောင်ဖို့ လိုပါတယ်။ ကနေ့အခါမှာ ဒုက္ခများ စွာဖြစ်စေတဲ့ ရခိုင်ပြည်နယ်မှာ မကြာသေးခင်က ဖြစ်ပွားခဲ့တဲ့ အကြမ်းဖက်မှုတွေ ကျွန်တော်တို့ တွေ့ခဲ့ကြရသလို တင်းမာမှုတွေ ဆက်လက် ပေါ်ပေါက်ဖို့ အနº္တရာယ် ကို မြင်နေရပါတယ်။ ရခိုင်တိုင်းရင်း သားများ အပါအဝင် ဒီပြည်နယ်က လူထုဟာ အလွန်ဆင်းရဲနွမ်းပါးမှုနဲ့ နှိပ်စက်ညှင်းပန်းမှုဒဏ်ကို ကာလ ရှည်ကြာစွာ ရင်ဆိုင်နေရပါတယ်။ အပြစ်မဲ့သူများကို အကြမ်းဖက်မှု အတွက် ဘာဆင်ခြေမှ ပေးလို့မရပါ ဘူး။ ရိုဟင်ဂျာတွေလည်းပဲ လူကြီး မင်းတို့လို၊ ကျွန်တော်တို့လိုပဲ သူ့တို့ မှာ သူတို့ဂုဏ်သိက္ခာနဲ့သူတို့ ရှိပါ တယ်။ မတူကွဲပြားနေမှုက အချိန် ယူရဦးမှာပါ။ ဒါပေမဲ့ ကျွန်တော်တို့ အားလုံးရဲ့လူသားဖြစ်နေမှုနဲ့ ဒီနိုင်ငံ ရဲ့ အနာဂတ်ကို မျှော်မှန်းပြီး သွေး ထိုးလှုံ့ဆော်မှုတွေ ရပ်တန်းက ရပ် သွားဖို့ လိုအပ်ပါတယ်။ ပြည်နယ်က ပြည်နယ်သူ ပြည်နယ်သားများရဲ့ အရေးကို အစိုးရဆောင်ရွက်မှုကို ကျွန်တော် ကြိုဆိုပါတယ်။ နိုင်ငံ တိုင်းမှာ နိုင်ငံသားဖြစ်မှုအပေါ် ရုန်း ကန်ရပါတယ်။ အမေရိကန်မှာလည်း ဒီကိစ္စတွေကို အငြင်းအခုန်လုပ်ရပါ တယ်။ ဒီနေ့အထိလည်း ဆက်ရှိ နေတုန်းပါပဲ။ နိုင်ငံတိုင်းမှာ အများ လက်ခံတဲ့၊ သတ်မှတ်တဲ့ စံချိန်စံ ညွှန်းတွေဆိုတာ ရှိပါတယ်။ အဲဒါ က လူတိုင်းအပေါ်မှာ သက်ရောက် မှုရှိပါတယ်။ ဘယ်နိုင်ငံကဖြစ်ဖြစ်၊ ဘယ်ကလာလာ၊ ဘယ်ဘာသာပဲ ကိုးကွယ်သည်ဖြစ်စေ၊ ဘယ်လိုကွဲ ပြားမှုပဲရှိရှိ သူတို့ရဲ့မိသားစုတွေကို ခြိမ်းခြောက်မှုမရှိဘဲနဲ့ သူတို့အိမ် ဖျက်ဆီးခြင်းမခံရဖို့ဟာ သူတို့ရဲ့ လူမျိုးဖြစ်တည်မှု၊ သူတို့ဘယ်ကလာ တယ်ဆိုတာကို မဖြစ်သင့်ပါဘူး။ အဲဒီလွတ်လပ်တဲ့ အခွင့်အရေးရှိရပါ မယ်။ အဆုံးသတ်မှာတော့ လူကြီး မင်းတို့ရဲ့ ဒီတိုင်းပြည်ကို ပုံဖော်နိုင် ကြမှာပါ။ မတူကွဲပြားမှုတွေဟာ အားဖြစ်တယ်ဆိုတာ၊ မတူကွဲပြားမှု တွေဟာ အားသာချက်ပါ။ အားနာ ချက်မဟုတ်ပါဘူး။ ဒီလိုပြောတယ် ဆိုတာ ကျွန်တော်တို့နိုင်ငံရဲ့ ကိုယ် ပိုင်ဘဝမှာ သေချာရှိခဲ့လို့ပါ။ အမေ ရိကန်ပြည်ထောင်စုမှာ ခရစ်ယာန် တွေ၊ ဂျူးတွေ၊ ကျွန်တော် ဘဝ ပေးအရ ဒီလိုသိလာခဲ့တာဖြစ်ပါ တယ်။ အမေရိကန်ပြည်ထောင်စုဆို တာ ခရစ်ယာန်တွေ၊ ဂျူးတွေ၊ ဗုဒ္ဓ ဘာသာတွေ၊ ဟိန္ဒူဘာသာတွေ၊ ပြီးတော့ မွတ်ဆလင်ဘာသာတွေ နဲ့ နေထိုင်ခဲ့ရတာပါ။ ကျွန်တော်တို့ ရဲ့ သမိုင်းကို ဘာသာစကားတိုင်း တစ်ခုစီက ပုံဖော်ခဲ့ကြတာပါ။ အား ကောင်းအောင် မြှင့်တင်ပေးခဲ့ကြပါ တယ်။ လူတိုင်းကလည်း ပုံဖော်ပေး ခဲ့ကြပါတယ်။

ပြည်တွင်းစစ်ရဲ့ခါးသီးမှုတွေ၊ လူမျိုးရေးခွဲခြားနှိမ်ချမှုတွေကို ခံစား ရပါတယ်။ ဒါပေမဲ့ ကျွန်တော်တို့ သမိုင်းကြောင်းက သင်ပေးခဲ့တာ ရှိပါတယ်။ အဲဒါက လူထုရဲ့ အ သည်းနှလုံးထဲက အမုန်းတရား တွေကို ဖယ်ရှားနိုင်စွမ်းရှိပါတယ်။ လူမျိုးစုတွေကြားနဲ့ တောင်ပေါ် တိုင်းရင်းသားတွေကြား စည်းခြား ထားတဲ့ စည်းတွေဟာလည်း တစ် ချိန်မှာ မှေးမှိန်ပျောက်ကွယ်သွား နိုင်ပါတယ်။ ဒါပေမဲ့ ကျွန်တော်တို့ မှာ ဘာကျန်နေခဲ့လဲဆိုတော့ ရှင်း လင်းတဲ့ အမှန်တရားပါပဲ။ ဆိုရိုး တစ်ခုရှိပါတယ်။ ဘာလဲဆိုတော့ အမေရိကန်နိုင်ငံမှာ မတူညီမှုတွေ အများကြီးရှိနေပေမယ့် ကျွန်တော် တို့ဟာ တစ်နိုင်ငံသားတွေ ဖြစ် တယ်ဆိုတဲ့ အချက်ပါပဲ။ အချိန် ကြာလာတာနဲ့အမျှ အခုလည်း ထပ်ပြီး ပြလိုက်တဲ့ ဒီအမှန်တရား ကြောင့် ကျွန်တော်တို့ ပြည်ထောင် စုကြီးဟာ ပိုအားကောင်းနိုင်ပါ တယ်။ နိုင်ငံသားတိုင်းဟာ ဒီနိုင်ငံရဲ့ နိုင်ငံသားအဖြစ်နဲ့ ခံယူထားကြပါ တယ်။ ကျွန်တော် အခု အမေရိကန် သမ္မတအဖြစ်နဲ့ ရပ်တည်နေနိုင်တာ က ကျွန်တော့်ရဲ့ အသားအရည် ကွဲပြားမှုကြောင့် မဲပေးခွင့်မရတဲ့ အတိတ်သမိုင်းအမွေဆိုးနဲ့လည်း ကျွန်တော် အတူယှဉ်တွဲပြီး ရှိနေ တာပါ။ ဒါ ကြောင့်မို့ ကျွန်တော် ယုံပါတယ်။ ကျွန်တော်တို့နိုင်ငံအ နေနဲ့ ခုလိုမျိုး အပြောင်းအလဲတွေကို ကျော်လွှား နိုင်မယ်ဆိုရင် ဒီနိုင်ငံ ဟာလည်းပဲ မြန်မာနိုင်ငံရဲ့ နယ် နိမိတ်ဘောင်တွေမှာ မှီတင်းနေထိုင် ကြသူတွေအနေနဲ့ လူကြီးမင်းတို့ရဲ့ တိုင်းပြည်ထဲမှာ သူတို့ရဲ့ပါဝင်မှုတွေ၊ သူတို့ရဲ့အရင်းအမြစ်တွေ တစ်စိတ် တစ်ပိုင်းပါဝင် ပတ်သက်တယ်ဆိုတဲ့ အနေအထားမျိုး တစ်နေ့ဖြစ်ကို ဖြစ်လာရမှာပါ။ ဒီအချက်ကြောင့် ကျွန်တော် ဒီနေ့ပြောချင်တဲ့ နောက် ဆုံးလွတ်လပ်မှုအစစ်ကို ဆိုက် ရောက်သွားစေပါတယ်။ အဲဒါက ကြောက်ရွံ့မှုကနေ လွတ်လပ်နိုင် ခွင့်ပါ။ ပုံစံမျိုးစုံနဲ့ ဒီအကြောက် တရားဟာ လူသားဖြစ်တည်မှုနဲ့ လူထုရဲ့အိပ်မက်တွေကြားမှာ ကန့် လန့်ခံနေပါတယ်။ ပဋိပက္ခတွေနဲ့ စစ်ပွဲတွေကြောင့် သေကြေဒဏ်ရာ ရမှုကို ကြောက်ရွံ့နေရမှုတွေ၊ အနာဂတ်ဟာ အရင်လိုမဟုတ်ဘဲ ပြောင်းသွားမှာကို ကြောက်ရွံ့နေရ တာတွေ၊ လူ့ဘောင်နဲ့ စီးပွားရေး သူ့ဟာသူ နေသားတကျကနေ ပြောင်းသွားမှာကို ကြောက်ရွံ့နေရ တာတွေ၊ ဒေသမတူတဲ့ နေရာက နေ လာကြတဲ့သူတွေကို ကြောက် ရွံ့နေရတာတွေ စသဖြင့် မျိုးစုံရှိ နေပါတယ်။ တစ်ချိန်တည်းမှာ ဒေါ်အောင်ဆန်းစုကြည်ကလည်း သူ့ဘဝမှာ အမှောင်မိုက်ဆုံး၊ အခက်ခဲဆုံးကာလဖြစ်တဲ့၊ အထိန်း သိမ်းခံရတဲ့ ကာလတွေမှာ ဆောင်း ပါးရေးခဲ့ဖူးပါတယ်။ သူရေးခဲ့တဲ့ တာက အာဏာပိုင်တဲ့သူတွေအနေ နဲ့ အာဏာ လက်လွှတ်ရမှာကို ကြောက်တဲ့ ဒဏ်ခံခဲ့ရသလို၊ အာဏာပြတာခံခဲ့ရတဲ့သူတွေမှာ လည်း ဒီအာဏာစက်ရဲ့ဒဏ်ကို ကြောက်နေရတယ်ဆိုတာပါပဲ။ ဒါပေမဲ့ ဒီအကြောက်တရားကို လူကြီးမင်းတို့အနေနဲ့ ဒီနေရာမှာပဲ ထားဖြစ်ခဲ့လို့ ရပါတယ်။ လူတွေရဲ့ မျှော်လင့်ချက်ကို ဖြည့်ဆည်းပေး ခြင်းကသာ၊ စေ့စပ်လာတဲ့ အာဏာ ကို နားလည်တဲ့ ခေါင်းဆောင်တွေ မျိုးမှသာ ဒီလိုလုပ်နိုင်ခွင့်ကို မြင်ကြ တာပါ။ တချို့ကတော့ အခုချိန်က အရင်နဲ့ မတူတော့ဘူး။ ဒီတစ် ခေါက်မှာ အပြောင်းအလဲဖြစ်လာ လိမ့်မယ်လို့ တစိုက်မတ်မတ် ယုံ ကြည်ပြောဆိုလာတဲ့ ပြည်သူတွေ မှာလည်း ခုလိုမျိုး မြင်တွေ့နိုင်တာ ဖြစ်ပါတယ်။ ဒေါ်အောင်ဆန်းစု ကြည် ရေးခဲ့သလိုပါပဲ ကြောက်ရွံ့ မှုဆိုတာ ယဉ်ကျေးတဲ့သူတွေ အတွက် သဘာဝအပြစ်တရား မဟုတ်ပါဘူး။ ဒါကို ကျွန်တော် ယုံ ပါတယ်။ ဒီနေ့မှာလည်း လူကြီးမင်း တို့အနေနဲ့ ဒီမြင့်မြတ်တဲ့ နိုင်ငံထဲ မှာ ရှိမှုဟာ သဘာဝအပြစ်တရား မဟုတ်ဘူးဆိုတာ ပြသလိုက်တာပါ ပဲ။ ဒါကြောင့်မို့လည်း ကျွန်တော် ရန်ကုန်ကို ရောက်လာခဲ့တာပါ။ ဒါ ကြောင့်မို့ ဒီမှာဖြစ်နေတာတွေအား လုံးဟာ သိပ်ကို အရေးပါနေတာပါ။ ဒါ့အပြင် အာရှဒေသတွင်းအတွက် ရော၊ တစ်ကမ္ဘာလုံးအတွက်ပါ အရေးပါနေပါတယ်။ သူတို့လမ်းခရီး ခုစနေပါပြီ။ ဒီခရီးစဉ်ကြောင့် လူ အများစုကို အားကျစေပါတယ်။ နိုင်ငံအနေနဲ့ အသွင်ကူးပြောင်းရေး ကို အောင်အောင်မြင်မြင် လုပ်နိုင် လား၊ မလုပ်နိုင်လားဆိုတဲ့ စမ်းသပ် မှုကြီးတစ်ခုလည်း ဖြစ်ပါတယ်။ ဒီမို ကရေစီလမ်းကြောင်းကို အရောက် သွားဖို့ပါ။ အမေရိကန်ပြည်ထောင်စု ဟာလည်း အာရှပစိဖိတ်ဒေသထဲက နိုင်ငံတစ်ခုဖြစ်ပါတယ်။ ကျွန်တော် တို့ရဲ့အနာဂတ်ဟာ ကျွန်တော်တို့ရဲ့ အနောက်ဘက်မှာရှိတဲ့ နိုင်ငံတွေနဲ့ ပြည်သူတွေနဲ့ ချိတ်ဆက်နေတာကို ကျွန်တော်တို့ သိမြင်ထားပါတယ်။ ကျွန်တော်တို့ စီးပွားရေး ပြန်နာလန် ထူလာပြီဆိုတာနဲ့ ဒီဒေသထဲမှာ စီးပွားရေး တိုးတက်မှုကို မြင်တွေ့ ရမှာပါ။ ကျွန်တော်တို့ရဲ့ နိုင်ငံခြား ရေးမူဝါဒတွေအပေါ် ဆယ်စုနှစ် ကျော် လွှမ်းမိုးလာခဲ့တဲ့ စစ်ပွဲတွေ အဆုံးသတ်နိုင်တာနဲ့ ကျွန်တော် တို့ရဲ့ ဖွံ့ဖြိုးတိုးတက်ရေးနဲ့ ငြိမ်း ချမ်းမှု၊ တည်ဆောက်မှုတွေရဲ့ အချက်အချာဖြစ်လာမှာပါ။ ဒီအရှေ့ တောင်အာရှဒေသထဲနိုင်ငံတွေနဲ့ ပြည်သူတွေနဲ့ ချိတ်ဆက်ပြီး တစ် ပေါင်းတစ်စည်းတည်းဖြစ်လာဖို့၊ အလားအလာကောင်းတွေရှိလာဖို့ ကျွန်တော် မြင်ပါတယ်။ အရှေ့ တောင်အာရှနိုင်ငံတွေကို အားပေး မြှင့်တင်ပေးနေတာက အာဆီယံ တွင်းက နိုင်ငံတွေက ရှေ့ကို ရွေ့ လျားနေပါတယ်။ သူတို့ရဲ့စီးပွားရေး ကြီးထွားနေပါတယ်။

ဒီမိုကရေစီသွားနေပါတယ်။ အစိုးရတွေကြား ပူးပေါင်းဆောင် ရွက်မှုတွေ များလာပါတယ်။ သူတို့ တွေဟာ သမုဒ္ဒရာတွေ၊ ကျွန်းတွေ၊ တောတောင်တွေ၊ လူမျိုးတိုင်း၊ ဘာသာတိုင်းရဲ့ မတူညီကွဲပြားမှု တွေအပေါ်မှာတည်ဆောက်ပြီး တော့ တိုးတက်မှုတွေ ရှိနေပါတယ်။ ဒါတွေက ၂၁ ရာစုမှာ ဖြစ်လာသင့် တာတွေပါ။ ကျွန်တော်တို့အနေနဲ့ မတူညီမှုတွေကို ဘေးဖယ်ထားနိုင် တဲ့ သတိရှိပြီး ဘုံနှစ်ဖက်အကျိုး တူစီးပွားမှုတွေ အပြန်အလှန် လေးစားမှုတွေ ဦးထိပ်ထားကာ ရှေ့ကို သွားနိုင်ပြီပေါ့လေ။ ကျွန် တော်တို့အနေနဲ့ အတိတ်က မငြိမ်း ချမ်းမှုတွေမှာပဲ ဆက်လက်ရပ်တည် ဖို့ မလိုပါဘူး။ အနာဂတ်ကို မျှော် မှန်းကြည့် ကြိုးစားလို့ ရပါတယ်။ လွတ်လပ်တဲ့ ခေါင်းဆောင်မှု အတွက် မြောက်ကိုရီးယားနိုင်ငံက ခေါင်းဆောင်တွေအတွက် ကျွန် တော် ရွေးချယ်မှုတစ်ခု ကမ်းလှမ်း ချင်ပါတယ်။ နျူကလီးယားလက် နက်တွေကို စွန့်လွှတ်လိုက်ပြီး ငြိမ်းချမ်းရေးလမ်းကြောင်းပေါ် တက်လှမ်းလာခဲ့ပါ။ ခင်ဗျားတို့အနေ နဲ့ ဒီလိုဖြစ်လာရင် အမေရိကန် ပြည်ထောင်စုကလည်း လက်ကမ်း ကြိုဆိုကြမှာပါ။ ဒါ့အပြင် ၂၁ ရာစု မှာ တောင်မြောက်ကွဲပြားမှုတွေ အပေါ် ဆက်ဆွဲညှိနေစရာ မလိုပါ ဘူး။ ကျွန်တော်တုိ့အနေနဲ့ ဒီနိုင်ငံ ရဲ့ မြောက်ဘက် အိမ်နီးချင်းနိုင်ငံ ဖြစ်တဲ့ တရုတ်နိုင်ငံနဲ့ အနောက် ဘက် အိမ်နီးချင်းနိုင်ငံဖြစ်တဲ့ အိန္ဒိယတို့ရဲ့ ငြိမ်းချမ်းစွာ အင်အား ကြီးမားလာမှုအပေါ် ကြိုဆိုပါတယ်။ အမေရိကန်ပြည်ထောင်စုအနေနဲ့ ပိုပြီးချမ်းသာတဲ့ ကမ္ဘာ၊ ပိုပြီးတိုး တက်ပြီး တရားမျှတမှုနဲ့တကွ လွတ်လပ်မှုတွေရှိတဲ့ ကမ္ဘာကြီးဖြစ် လာဖို့အတွက်ဆိုရင် နိုင်ငံကြီးတာ၊ ငယ်တာ မရွေးဘဲ ဘယ်နိုင်ငံနဲ့မဆို အတူလက် တွဲလုပ်ဆောင်သွား မှာပါ။ ဒါ့အပြင် အမေရိကန် ပြည်ထောင်စုအနေနဲ့ မိမိနိုင်ငံ သားတွေ အခွင့်အရေးနဲ့ နိုင်ငံ တကာ ဥပဒေတွေကို လေးစား လိုက်နာတဲ့ ဘယ်နိုင်ငံမဆို မိတ် ဆွေအဖြစ် လက်တွဲသွားမှာပါ။ အဲလို ကမ္ဘာကြီးဖြစ်လာဖို့ လူကြီး မင်းတို့အနေနဲ့ အခု သမိုင်းဝင် ရန်ကုန်မြို့ကနေပြီး ကြိုးစားတည် ဆောက်ပေးပါ။ ဒီနိုင်ငံအနေနဲ့ အရင်က အများကြီး ပစ်ပယ် ခံခဲ့ရပါတယ်။ အခုတော့ လူကြီးမင်း တို့နိုင်ငံအနေနဲ့ ဒီမိုကရေစီလမ်း ကြောင်းပေါ် လျှောက်လှမ်းခဲ့ရာမှာ ဖွံ့ဖြိုးတိုးတက်မှုတွေကိုပါ တစ်ပါ တည်း တွဲပြီး ဆောင်ကြဉ်းသွား နိုင်မယ်ဆိုတာ ပြတဲ့သဘောဖြစ်ပါ တယ်။ ကျွန်တော်အခုလို ပြော တာက ဒီနိုင်ငံထဲမှာ လူကြီးမင်းတို့ ရနိုင်တဲ့အခွင့်အရေးတွေ မရနိုင်ဘဲ ဆုံးရှုံးနေတာတွေ မရေမတွက်နိုင် အောင် ရှိနေတာကို သိထားလို့ပါ။ လွတ်မယ့်ရက်ကို စောင့် ပြီး နေရတဲ့ ယုံကြည်ချက်ကြောင့် အကျဉ်းကျခံရသူတွေ ဆက်ရှိနေ ပါတယ်။ ဒါ့အပြင် မျှော်လင့်ချက် တွေနဲ့ အလှမ်းဝေးနေသေးတဲ့ ဒုက္ခသည်တွေနဲ့ အိုးအိမ်စွန့်ခွာ ထွက်ပြေးနေရသူတွေလည်း ဆက် ရှိနေပါသေးတယ်။ ဒီနေ့ ကျွန် တော် လူကြီးမင်းတို့ကို ပြောပါရ စေ။ ဒီနိုင်ငံထဲက လူတွေအားလုံး ကိုလည်း ပြောတာဖြစ်ပါတယ်။ အမေရိကန်ပြည်ထောင်စုအနေနဲ့ လူကြီးမင်းတို့ကို ဆက်ထောက်ခံ ရပ်တည်သွားမှာပါ။ လူကြီးမင်းတို့ ရဲ့ ဖြစ်ပျက်ခံစားရတာတွေ ကျွန် တော်တို့ ခေါင်းထဲမှာ ရှိနေပါတယ်။ လူကြီးမင်းတို့ရဲ့ မျှော်လင့်ချက်တွေ လည်း ကျွန်တော်တို့ အူထဲအသဲ ထဲမှာ ကိန်းဝပ်နေပါတယ်။ ဘာ ကြောင့်လဲဆိုတော့ ဒီ ၂၁ ရာစုထဲ မှာ နည်းပညာတိုးတက်မှုတွေ ပျံ့ နှံ့လာတာ၊ နိုင်ငံတွေကြား အတား အဆီးတွေ ပြိုလဲလာတာ၊ အဲဒါတွေ ကြောင့် လွတ်လပ်မှုရဲ့ ရှေ့တန်း နယ်မြေတွေဟာ နိုင်ငံတွေရဲ့ အတွင်းမှာပဲ ဖြစ်လာနေပါတယ်။ နိုင်ငံသားတွေ အချင်းချင်းကြားမှာ လည်း ရှိလာနေပါတယ်။ နိုင်ငံတစ် ခုနဲ့တစ်ခုကြားမှာ အရင်လို စစ်ခင်း တာတွေဖြစ်လာမှာ မဟုတ်တော့ပါ ဘူး။ နိုင်ငံရေးအကျဉ်းသား တစ်ဦး က ပြောပါတယ်။ နိုင်ငံရေးဆိုတာ သင်တို့ရဲ့ အလုပ်ဖြစ်ပါတယ်။ နိုင်ငံရေးသမားတွေရဲ့ အလုပ်သက် သက်မဟုတ်ပါဘူး။ ဒါက နိုင်ငံသား ကောင်းတစ်ဦးဖြစ်ဖို့ဆိုတာက အဲဒီအချက်ရှိဖို့လိုပါတယ်။ အမေရိ ကန်ဟာ အဲဒီလိုမျိုးနိုင်ငံသားတွေ ဖြစ်ပါတယ်။ အခုလိုမျိုး ထူးခြားတဲ့ ကာလစိန်ခေါ်ချက်တွေ အများကြီး ရှိနေပေမယ့် အခုလိုမျိုးအပြောင်း အလဲဖြစ်လာဖို့ မဖြစ်ကောင်း မဖြစ်လာဘူးလို့ ထင်ကောင်းထင် နိုင်ပါတယ်။ ဒါပေမဲ့ နောက်ဆုံးကျ ရင်တော့ ရလာမယ့် လွတ်လပ်မှုရဲ့ အဓိပ္ပာယ်အနက်ကို ဆုံးဖြတ်ပေး ရမှာက လူကြီးမင်းတို့ကိုယ်တိုင်ပဲ ဖြစ်ပါတယ်။ ဘာကြောင့်လဲဆို တော့ စစ်မှန်တဲ့ တော်လှန်ရေး ပြောင်းလဲလိုစိတ်တွေ စပြီးတော့ မွေးမြူဖို့လိုပါတယ်။ ဒီနေရာမှာ လူကြီးမင်းတို့ ခေါင်းဆောင်တွေ ပြသခဲ့တဲ့ သတ္တိမျိုးရှိဖို့လိုပါတယ်။ လာမယ့် ရှေ့ခရီးလမ်းစဉ်မှာ ကြီး မားတဲ့ စိန်ခေါ်မှုတွေရှိပါတယ်။ ဒါတွေကို နောက်ပြန်ဆွဲလို့ မရပါ ဘူး။ ပြည်သူရဲ့ စိတ်အင်အားနဲ့ ဒီနိုင်ငံကို မြှင့်တင်အောင် စွမ်း ဆောင် ပေးလိုက်ပြီး ကမ္ဘာကြီးအ တွက်လည်း အတုယူစရာတစ်ခု ဖြစ်လာပါမယ်။ ခရီးလမ်းကြီးက ရှည်ဦးမှာပါ။ ဆက်လျှောက်ရဦး မှာပါ။ ကျွန်တော်ယုံကြည်ပါတယ်။ ဒီနိုင်ငံမှာလည်း မတူကွဲပြားမှုတွေ ကို ကျော်လွှားနိုင်မှာပါ။